नेवासा प्रतिनिधी।मुळा धरण अंतर्गत मुळा उजवा कालवा नूतनीकरण आणि विशेष दुरुस्ती कामांच्या बाबत जलसंपदा मंत्री मा.ना.जयंतराव पाटील साहेब यांच्या अध्यक्षतेखाली व नामदार शंकरराव गडाख पाटील यांच्या प्रमुख उपस्थितीत मंत्रालयात बैठक आयोजित करण्यात आली होती.
या बैठकीत मुळा धरणापासून 52 किमी कॅनॉल दुरुस्तीचे काम, कॅनॉलच्या मेन चारीवरील सर्व लोखंडी गेट बदलविणे, पुनर्वसित गावांना नागरी सुविधा पुरविणे त्यासाठीचे प्रस्ताव सादर करावेत, असे निर्देश जलसंपदामंत्री ना जयंतराव पाटील साहेब यांनी दिले. बैठकीस जलसंधारण मंत्री ना शंकरराव गडाख पाटील, राज्यमंत्री ना प्राजक्त तनपुरे, माजी आमदार चंद्रशेखर घुले पाटील,शेवगाव पंचायत समितीचे सभापती श्रितिज घुले पाटीलशासकीय अधिकारी आदी उपस्थित होते.
