दोन सख्या बहिणींनी सासरच्या मंडळीच्या विरोधात मारहाणीची आणि पैशाच्या मागणीची दिली फिर्याद

अकोले प्रतिनिधी (१८ नोव्हेंबर):- दोन सख्या बहिणी असलेल्या आणि त्याच बरोबर योगायोगाने दोघीही जावा जावा असलेल्या महिलांनी सासरच्या मंडळीच्या विरोधात मारहाणीची आणि पैशाच्या मागणीची फिर्याद दिल्याने कौटुंबिक छळाचा गुन्हा दाखल करण्याची घटना अकोले तालुक्यात घडली आहे.पोलिसांनी या दोन्ही महिला सासरकडील मंडळी विरोधात गुन्हे दाखल अजून कारवाई सुरू आहेत फिर्याद देणाऱ्या या महिला सख्या बहिणी आहेत.दोघी या सासरी नांदत असताना सासरच्या मंडळीनी शारीरिक व मानसिक त्रास देऊन मारहाण करून तसेच पैसे मागून त्रास दिला असल्याच्या फिर्यादी दिल्या आहेत यामध्ये पती,सासू, सासरे,दीर यांना आरोपी करण्यात आले असून कौटुंबिक हिंसाचाराचा गुन्हा दाखल केला आहे.तसेच माहेरुन ५ लाख रुपये आणावे म्हणूनही त्रास दिला त्यांनी वडिलांकडुन थोडेथोडे करून ५ लाख रुपये दिले तरीही त्रास देवून मारहाण करून घरातून हाकलून दिल्याचे फिर्यादीत म्हटले आहे.या फिर्यादीवरून पोलिसात दोन सारखे गुन्हे दाखल करण्यात आले असून पुढील तपास पोलीस निरीक्षक मिथुन घुगे यांच्या मार्गदर्शनाखाली हवालदार आहेर करत आहेत.