कन्नड।तहसील कार्यालय कन्नड च्या अवैध गौण खनिज कारवाई पथकाने मौजे पिशोर नादरपुर शिवारात मुरूमाचे अवैध गौण खनिज उत्खनन व वाहतूक सुरू असल्यामुळे उत्खनन करणारे एक जेसीबी व वाहतूक करणारे चार ट्रॅक्टर जप्त केले असून पुढील दंडात्मक कारवाई तहसील कार्यालामार्फत सुरू आहे. दंडात्मक कारवाई मध्ये अंदाजे अंदाजे बारा लाख दंड वसूल होणार आहे.
सदरची कारवाई ही मा.जिल्हाधिकारी औरंगाबाद श्री सुनील चव्हाण साहेब, मा.उपविभागीय अधिकारी कन्नड श्री जनार्दन विधाते, मा.तहसिलदार कन्नड श्री संजय वारकड यांचे मार्गदर्शनाखाली पथक प्रमुख निवासी नायब तहसीलदार श्रीमती मोनाली सोनवणे, अ.का. सत्यजित आव्हाड, कोतवाल श्री बशीर शेख ई. यांचे पथकाने दिनांक 04.10.2021 च्या मध्यरात्री केली असून कारवाई दरम्यान पोलीस ठाणे पिशोरचे पोलिस उपनिरीक्षक श्री बडे, पोलीस नाईक राजपूत हे उपस्थित होते.
तालुक्यांमध्ये अवैध वाळू, मुरूम, ई गौण खनिजाचे उत्खनन व वाहतूक करताना निदर्शनास आल्यास कठोर कारवाई करण्यात येईल व नागरिकांना माती, मुरूम ई गौण खनिजाची आवश्यकता असल्यास तहसील कार्यालयाकडून रीतसर परवानगी घ्यावी असे आवाहन तहसिलदार कन्नड श्री संजय वारकड यांनी केले आहे.
