मॅजिक बस इंडिया फाऊंडेशन आणि महिला आर्थिक विकास महामंडळ यांच्या संयुक्त विद्यमाने महिला बचत गट कार्यशाळा संपन्न
बाळासाहेब पिसाळ
मॅजिक बस इंडिया फाऊंडेशन आणि महिला आर्थिक विकास महामंडळ यांच्या संयुक्त विद्यमाने महिला बचत गट कार्यशाळा संपन्न
दिनांक 25 सप्टेंबर 2022 रोजी गुरूधानोरा येथे मॅजिक बस इंडिया फाऊंडेशन आणि महिला आर्थिक विकास महामंडळ यांच्या संयुक्त विद्यमाने महिला बचत गट कार्यशाळा संपन्न झाली. याप्रसंगी महात्मा गांधी कृषी विज्ञान केंद्राचे विषय विशेषज्ञ श्री. अवचट, तालुका तंत्रज्ञान व्यवस्थापक श्री. दिलीप मोटे सर यांनी महिला बचत गटांना मिरची पीक व्यवस्थापन, मिरची प्रक्रिया उद्यागमधील संधी आणि आवश्यक बाबी याविषयी सखोल मार्गदर्शन केले. कार्यक्रमाचे प्रास्ताविक श्रीमती सुनीता सहाने आणि दिनेश मंगीराज यांनी तर सूत्रसंचालन आणि महिला बचत गटांना मौलिक मार्गदर्शन मॅजिक बसच्या अर्चना शिर्के यांनी केले, तसेच तेजस्विनी लोकसंचलित साधन केंद्र, गंगापूरच्या श्रीमती सुनीता सहाने आणि त्यांच्या सहयोगिनी श्रीमती. पठाण मॅडम, तुपे मॅडम यांनी कार्यक्रमाच्या नियोजनामध्ये महत्वाची भूमिका पार पाडली. गुरुधानोरा गावातील प्रतिष्ठित नागरिक श्री. नानासाहेब जंजाळे, श्री. शांतीलाल साळवे, दिलीप सुदाम साळवे, गोरखनाथ बनकर यांनी गाव स्तरावरील नियोजनामध्ये मोलाचे सहकार्य केले. सदरील कार्यशाळेमध्ये गुरूधानोरा ग्रामपंचायती मधील सुमारे 200 महिला बचत गटांच्या सदस्यांनी सहभाग नोंदविला.
या प्रसंगी मॅजिक बस इंडिया फाऊंडेशन चे प्रकल्प व्यवस्थापक श्री. दिनेश मंगीराज, सहकारी श्री. अमर धावरे, प्रमोद कोल्हे, अजीम शेख, ज्ञानेश्वर हावळे, जगदीश सातपुते, बाळासाहेब पिसाळ, सचिन थोरात यांनी परिश्रम घेतले.
