रयत क्रांती संघटनेकडुन मुखेड तहसील कार्यालयासमोर केंद्र सरकार व राज्य सरकार विरुध्द प्रचंड घोषणाबाजी करत जिआरची होळी करण्यात आली….!

मुखेङ प्रतिनिधी।रयत क्रांती संघटनेकडुन मुखेड तहसील समोर केंद्र सरकार व राज्य सरकार विरुध्द प्रचंड घोषणाबाजी करत जिआरची होळी करण्यात आली आहे..
शेतकर्‍यांच्या मागण्या शेतकर्‍याना अनुदान देवुन विमा कंपनीने दिवाळी पुर्वी सरसकट पिक विमा शेतकर्‍यांना द्यावा अन्यथा एकाही मंञ्याना जिल्ह्यात फीरु देणार नसल्याचे रयत क्रांती संघटनेचे जिल्हाध्यक्ष बालाजी पाटील ढोसणे यांचा इशारा..देण्यात आला..
मुखेड तहसील कार्यालयासमोर केंद्र सरकार व राज्य सरकारच्या विरुध्द प्रचं घोषणाबाजी करत शासन निर्णयाच्या जिआरची होळी करीत रयत क्रांती संघटनेचे जिल्हाध्यक्ष बालाजी पाटील ढोसणे यांच्या नेतृत्वाखाली आंदोलन करण्यात आले.यावेळी शेतकरी मोठ्या संख्येने ऊपस्थितीत असल्याने तहसिल परीसरात मोठा पोलीस बंदोबस्त तैनात करण्यात आला होता.
नांदेड जिल्ह्यात मोठ्या प्रमाणात अतिवृष्टी झाली असुन यामध्ये मुखेड तालुक्याचे मोठ्या प्रमाणात नुकसान झाले असुन शेतीचे मोठ्या प्रमाणात नुकसान झाल्याने शेतकरी नेते माजी कृषिराज्यमंञी आ. सदाभाऊ खोत यांच्या आदेशान्वये आज मुखेड तहसील समोर केंद्र सरकारने सोयाबीन ऊत्पादक शेतकरी विरोधी निर्णय तात्काळ मागे घेण्यात यावा,राज्य सरकारने महाराष्ट्रातील अतिवृष्टीग्रस्त व महापुर बाधीत शेतकर्‍यांना आम्ही वार्‍यावर सोडणार नाही अशी भुमिका घेतली होती आणी संपुर्ण शेतकर्‍यांना कर्जमाफी देवु अशी घोषणा सरकारने केली होती.
पण परवाला झालेल्या राज्य शासनाच्या बैठकीत शेतकर्‍याचा जखमेवर मिठ चोळण्याचा प्रकार झाला असुन शेतकर्‍यांना प्रति गुंठ्याला 100 रुपये मदत देवुन चेष्ठा केली आहे.यामुळे सरकारने पश्चिम महाराष्ट्रा प्रमाणे तात्काळ 2019 च्या शासन निर्णयानुसार गुंठ्याला 950 रुपये मदत करावी अशी मागणी करीत निघालेला 100 रुपये मदतीच्या जिआर ची होळी करीत शेतकर्‍यांनी तात्काळ मदत वाढवुन देण्याची मागणी करण्यात सरकार विरुध्द घोषणाबाजी केली.
यामध्ये सरसकट पिक विमा मिळाला पाहीजे,सोयाबीनची दरवाढ झालीच पाहीजे,पश्चिम महाराष्ट्राप्रमाणे 2019 च्या जिआर प्रमाणे मदत जाहीर झालीच पाहीजे अशा घोषणानी तहसिल परीसर दणाणुन गेला होता सातेगाव ता.नायगांव येथील शेतकर्‍यांच्या तक्रारीचे पिक विम्याचे फार्म ऊसाच्या मळ्यात आढळुन आल्याने त्या दोषीवर कडक शासन करुन इफको टोकीयो पिकविमा कंपनीला काळ्या यादीत समाविष्ट करण्यात यावा.
या मागणीसाठी तहसील समोर निदर्शने करीत जिआर ची होळी रयत क्रांती संघटनेकडुन करण्यात आली यावेळी जिल्हाध्यक्ष बालाजी पाटील ढोसणे,तालुकाध्यक्ष नवनाथ पाटील तारदडकर,शहराध्यक्ष संगीत जाधव ऊमरदरीकर,गिरी केरुरकर,विनायक पा.माहेगांवकर,दिगांबर बनबरे,प्रशांत देशमुख,दत्ता महाराज कमळेवाडीकर,ज्ञानेश्वर लुट्टे होकर्णेकर,योगेश हातराळे सकनुरकर,पंढरी नोमुलवाड होडांळकर,बजरंग हिवराळे जांभळीकर,अजित वडजे,ज्ञानेश्वर पाटील वडगाव,बालाजी कदम माकणी,व्यकंट भायदे,सुर्याजी शिंदे,गुलाब देशमुख,नारायण देशमुख यांच्यासह शेकडो शेतकरी बांधवांची ऊपस्थितीत मोठ्या प्रमाणात दिसून आली.