कंटनेरने दुचाकीवर चाललेल्या मायलेकांना समोरून जोराची दिली धडक मुलगा गंभीर जखमी… तर आई जागीच ठार

राहुरी प्रतिनिधी (२२ नोव्हेंबर):-नगर-मनमाड महामार्गावर राहुरीच्या सूतगिरणी जवळ कंटनेरने दुचाकीवर चाललेल्या मायलेकांना समोरून जोराची धडक दिल्याने भीषण अपघात झाल्याची घटना दि.२१ नोव्हेंबर रोजी सकाळी घडली आहे.या अपघातात कोपरगाव तालुक्यातील दहेगाव बोलका येथील महिला ठार झाली असून तीचा मुलगा गंभीर जखमी झाला आहे.आज सकाळी नगर मनमाड महामार्गावर कोपरगाव तालुक्यातील दहीगाव बोलका येथील सोमनाथ विलास चौधरी हा आपल्या आईसोबत दुचाकीवरून (MH 17 AJ 8733) नगर तालुक्यातील निमगाव येथे नातेवाईकांच्या वर्षश्राद्धासाठी जात असताना राहुरी सुतगिरणीजवळ कंटनेरने त्यांच्या दुचाकीला जोराची समोरून धडक दिली.या धडकेत दुचाकीवरील सोमनाथ चौधरी याची आई लता विलास चौधरी (वय ४९) या जागेवर ठार झाल्या.तसेच सोमनाथ चौधरी हा गंभिररित्या जखमी झाल्याने त्याला नगर येथील खाजगी रूग्णालयात उपचारासाठी दाखल केले आहे.याबाबत राहूल विलास चौधरी यांनी राहुरी पोलीसात गुन्हा दाखल करण्यात आला आहे.