नेवासा तालुक्यातील माळिचिंचोरा फाटा येथे भीषण अपघात : एक जण जागीच ठार

प्रतिनिधी : मयुर मांडलिक ( देशरत्न न्युज )

नगर औरंगाबाद महामार्गावर माळिचिंचोरा फाटा येथे औरंगाबाद च्या दिशेने येणाऱ्या फॉर्चूनेर कारने माळिचिंचोरा येथील एकुलता एक संकेत लक्ष्मण पुंड याला जोरात धडक देऊन त्याचा अपघात झाला

संकेत लक्ष्मण पुंड (वय १९) या युवकाचे या अपघातात निधन झाले आहे. ही घटना आज दुपारी दीड वाजेच्या दरम्यान घडली.

याबाबत अधिक माहिती अशी, संकेत पुंड हा आपल्या आत्याला सोडविण्यासाठी माळीचिंचोरा फाटा येथे आलेला होता. आत्याला सोडवून पाठीमागे जात असतांना औरंगाबादहून – नगरकडे जाणाऱ्या भरधाव वेगातील फॉर्चूनेर कारने दुचाकीवर असलेल्या संकेत याला जोराची धडक दिली असता तो खाली पडला आणि नंतर त्याला तत्काळ हॉस्पिटल मध्ये नेण्यात आले असता त्याला मृत्यु घोषित करण्यात आला