दैनिक देशरत्न मध्ये आपले सहर्ष स्वागत आहे.

अमरावती

पाच लाख भाविकांचे शनिदर्शन, देश-विदेशातील भक्तांची हजेरी

प्रतिनिधी : मयुर मांडलिक ( देशरत्न न्युज )

श्रावण महिन्याची समाप्ती व शनी अमावस्या एकाचवेळी आल्याने शनिशिंगणापूर येथील यात्रा मोठ्या उत्साहातपार पडली. आज पाच लाखाहून अधिक भाविकांनी शनिदेवाचे दर्शन घेतले. रात्री १२ वाजता पुणे येथील राहुल गोडसे, महेंद्र पारडे, पहाटे संभाजीनगर येथील माजी खासदार चंद्रकांत खैरे, दिल्लीचे मेहतांनी साहेब, ऑस्ट्रेलियाचे राकेश कुमार, दुपारी मुंबईचे शनिभक्त सौरभ बोरा, झिम्बाबेचे जयेश शहा, आदर्श गाव हिवरे बाजारचे पोपट पवार यांच्या हस्ते आरती व विधिवत पूजा करण्यात आली. सायंकाळी ओरिसाचे शनिभक्त नब किशोर दस यांच्या हस्ते आरती होऊन संकल्प केलेला सतरा लाखाचा कलश शनिदेवाला अर्पण करण्यात येणार आहे.शुक्रवारी रात्रीपासून भाविकांची गर्दी वाढत शनिवारी दिवसभर गर्दी होती. या निमित्ताने प्रवेशद्वार, मंदिर परिसर आदी ठिकाणी विद्युत रोषणाई, आकर्षक फुलांची सजावट करण्यात आली होती. ठिकठिकाणी भाविकांना भांडार प्रसादाचे शनि भक्तांकडून वाटप करण्यात येत होते. भावी गर्दी लक्षात घेता पोलीस बंदोबस्त तैनात करण्यात आला होता. पार्किंग व्यवस्था घोडेगाव रोडवरील ग्रामीण रुग्णालयात, मुळा कारखानाच्या काही अंतरावर करण्यात आली होती. दिवसभरात ओरिसाचे शनिभक्त नब किशोरी दस, आ. जनक पटेल, आ. प्रफुल पनशेरीया, माजी मंत्री शंकरराव गडाख, माजी मंत्री शिवाजीराव कर्डिले, आ. भाऊसाहेब कांबळे, युवा नेते उदयन गडाख यांच्यासह अनेक मान्यवरांनी विधिवत पूजा करून शनिदर्शन घेतले. गुजरातहून आलेले भाजपचे आ. जनक पटेल व आ. प्रफुल पनशेरीया यांचे भाजपचे नेवासा तालुका अध्यक्ष भाऊसाहेब फुलारी, भाजप ओबीसी तालुका अध्यक्ष देविदास साळुंके, जिल्हा उपाध्यक्ष सुभाष पवार यांनी स्वागत केले. राज्याच्या कानाकोपऱ्यातून यावेळी पाच लाखाहून अधिक भाविक आल्याचे देवस्थानच्या वतीने सांगण्यात आले. देवस्थानचे अध्यक्ष भागवत बानकर, विकास बानकर, पोपट शेटे, आप्पासाहेब शेटे, ऍड. सायराम बानकर, बाळासाहेब बोरुडे, आप्पा कुऱ्हाट आदि पदाधिकारी, कार्यकारी अधिकारी जी. के. दरदले व्यवस्थापनावर लक्ष ठेऊन होते. विशेष अतिथींचा सन्मान कार्यकारी अधिकारी जी.के. दरंदले व उपकार्यकरी अधिकारी नितीन शेटे हे करत होते.

बातमी शेअर करण्यासाठी येथे क्लिक करा

दैनिक देशरत्न वृत्तपत्रा साठी संपूर्ण महाराष्ट्रातील प्रत्येक जिल्हात ,तालुक्यात आणि ग्रामीण भागात प्रतिनिधी नेमणे सुरू आहे. प्रतिनिधी म्हणून काम करण्यासाठी इच्छुकांनी खालील Register Now या बटनावर क्लिक करून रजिस्ट्रेशन फॉर्म भरावा.

पत्रकार मयुर मांडलिक

मयुर मांडलिक नेवासा तालुका पत्रकार देशरत्न न्युज बातमी देण्यासाठी कॉल किंवा व्हॉट्सॲप मेसेज करा 8530101847

Leave a Reply

Your email address will not be published. Required fields are marked *

Back to top button
Translate »
बातमी कॉपी करणे हा कायद्याने गुन्हा आहे